Ndryshimi i rregullores së Kuvendit, Meta: Asgjësim i opozitës dhe parlamentarizmit

Ndryshimet e reja në rregulloren e Kuvendit, për masa të forta ndëshkuese ndaj deputetëve të cilët krijojnë kaos në seancat plenare, janë vlerësuar si asgjësuese për opozitën nga kryetari i Partisë së Lirisë, Ilir Meta.

Përmes një statusi në Facebook, Meta e cilëson rregulloren e re të njëanshme.

“Ndryshimet e njëanshme të Rregullores së Kuvendit të bëra në mënyrë arbitrare dhe përjashtuese synojnë asgjësimin e opozitës dhe parlamentarizmit.”-shkruan ai.

Në vazhdim të kësaj Ilir Meta e gjykon plotësimin e kërkesave të opozitës si rikthim të normalitetit.

“Ndaj pezullimi i mandateve të deputetëve në këtë mënyrë antikushtetuese është i papranueshëm. Vetëm plotësimi i kërkesave të opozitës rikthen normalitetin në Kuvend dhe garanton rolin e tij kontrollues ndaj qeverisë.”-vijon ai.

LEXONI GJITHASHTU:

• Mbyllet mes kaosit e tensioneve seanca, mazhoranca miraton ndryshimin e rregullores
• “S’i bindemi”, Bardhi: Do çojmë në Kushtetuese ndryshimin e rregullores së Kuvendit