Ndryshon ligji në Greqi: 50% e plazhit pa pagesë, privatëve u caktohen kufij

Duke nisur nga ky vit, gjysma e plazheve në Greqi do të jenë falas për pushuesit. Ligji i ri synon t’u japë të mbrojë qytetarët dhe biznesin në mënyrë të barabartë, sa i përket shfrytëzimit në bregdet.

Gjysma e plazheve në Greqi do të jenë publikë. Sistemi i ri për ndarjen e zonave ku pushuesit mund të pagujanë shezlong ose jo të nisë pranverën e këtij viti, periudhë kur vendi pret flukset e para në bregdet.

Ministria e Ekonomisë në shtetin fqinj ka prezantuar ligjin e ri, për rregullimin e pronës publike bregdetare, sipas të cilit sipërfaqja që mund të merret me qira nga privatët nuk mund të kalojë 50 për qind të sipërfaqes totale të plazhit.

Sistemi i ri synon të zgjidhë çështjen e pushtimit privat të plazheve publike. Kushtetuta greke njeh vijën bregdetare të vendit si një e mirë publike, duke u siguruar qytetarëve akses të pakufizuar në çdo kohë.

Në veçanti, ligji i prek edhe aspekte të tilla si pastrimi i plazhit, ofrimi i shërbimit dhe kullat e vrojtimit për emergjencat.

Ai vendos kufizime për koncesionet e plazhit, duke kufizuar sipërfaqen e kontraktuar në 500 m2, pra jo më shumë se 50 për qind të sipërfaqes totale të plazhit. Për shembull, nëse plazhi është 10,000 m2, të paktën 5,000 m2 duhet të mbetet i lirë. Për sa i përket çadrave dhe shezlongëve, ato mund të mbulojnë deri në 60 për qind të sipërfaqes së miratuar, e cila reduktohet në 30 për qind në zonat “Natura”.

Koncesionarëve u kërkohet të përmbushin detyrime të ndryshme, përfshirë pastrimin e rregullt të plazheve dhe instalimin e infrastrukturës sanitare, si dhe duhet të heqin pajisjet e tyre në fund të sezonit veror.

LEXONI GJITHASHTU:

• Hapen aplikimet për menaxhimin e stacioneve të plazheve për vitin 2024
• Ndërtoi në plazhin e “Pemës së Thatë”, urdhër-arrest për biznesmenin në Sarandë