“Në 7 gjyqe, kemi fituar vetëm 1”, Çoçoli: Shqipëria, bilanc negativ në arbitrazhe

Eksperti i ekonomisë, Fatos Çoçoli tha në një intervistë për Euronews Albania se në 7 gjyqe nga Shqipëria është fituar vetëm 1, gjë që sipas tij është tregues i bilancit negativ në arbitrazhe.

Eksperti sqaroi se nuk kemi pasur specialistët e duhur në momentin e përpilimit të kontratave.

“Për fat të keq nuk kemi pasur specialistët e mirëfilltë të përgjegjshëm. Nga papërgjegjshmëria e këtyre strukturave tona ne kemi humbur kaq shumë. E dyta është që humb një gjyq, humb një gjyq tjetër dhe fillon imazhi i një shteti problematik për të ruajtur të drejtat e një investuesi të huaj. Kjo është shumë e rëndë. Ne duhet ta largojmë këtë imazh që na është ngjitur, sidomos këto 20 vitet e fundit,” – deklaroi Çoçoli.

“Në rast se flasim për 147 milionë euro, para që ne duhet t’i kthejmë nga gjyqet e humbura, me 12 ose 15 milionë euro që kemi fituar në këto dy dekadat e fundit, atëherë i bie që bilanci të jetë shumë negativ dhe kjo duhet të na vërë në një gjendje alarmi,” – shtoi eksperti.

LEXONI GJITHASHTU:

• “Ikin 40 mijë në vit”- Çoçoli: Kapitali njerëzor që kemi humbur, me vlerë 12.5 mld €
• Fatos Çoçoli: Kostoja e luftës në Ukrainë, 470 euro për çdo qytetar shqiptar