“Ikin 40 mijë në vit”- Çoçoli: Kapitali njerëzor që kemi humbur, me vlerë 12.5 mld €

Eksperti i ekonomisë Fatos Çoçoli ka analizuar në studion e Euronews Albania largimet e shqiptarëve nga vendi dhe dëmin ekonomik që ata shkaktojnë.

Sipas Çoçolit shifrat janë alarmante, pasi po largohen profesionistët, të cilët ikin me kontrata të rregullta dhe nuk kanë gjasa të kthehen më.

Çoçoli tha se shoqërisë i kushton 14 mijë euro për të përgatitur një profesionist me shkollë të mesme. Sipas tij largimet masive në 12 vitet e fundit kapin një vlerë prej 12.5 miliardë euro, në termat e kapitalit njerëzor.

“Po largohen profesionistët me kontrata të rregullta dhe mundësia të kthehen është shumë e vogël.

Është realisht një grafik shqetësues që duhet ta dinë të gjithë qytetarët tanë dhe veçanërisht vendimarrësit. Nuk jemi vend që mund t’i lejojmë vetes të largohen 30-40 mijë qytetarë në vit, është një boshatisje e mirëfilltë e vendit.

Shoqërisë i kushton 14 mijë euro një profesionist me shkollë të mesme që largohet. Këtu futet muratori, apo elektriçisti dhe marangozi.

Kur është profesionistë akoma dhe më të mëdha janë vlerat e tij. Kur sa ka dalë nga shkolla dhe sa fillon merrr zanatin është kjo shifër që përmenda.

Për mjekët dhe personat me shkollë të lartë është shumë më tepër. Po të bëjëm një bilanc sa para kemi humbur janë me miliarda.

Po ta marrim për 12 vitet e fundit është një vlerë prej 12.5 miliardë euro. Është një humbje që ekonomia jonë e ka të pamundur ta përballojë për një periudhë afatgjatë. Kjo është alarmante”, tha Çoçoli.

LEXO GJITHASHTU:

• Shëndetësia| Shqiptarët 43% e paguajnë nga xhepi, ilaçet e shtrenjta nuk rimbursohen
• “Nuk jemi han me 40 porta”- Eksperti: Me bangladeshasit s’ka garanci! Vijnë dhe ikin
• Indianët në piramidën e Enverit, shqiptarët “zëvendësohen” me të huaj në ndërtim