Deputetja e Partisë Demokratike, Albana Vokshi, deklaroi se ka paraqitur provat që kishte në dispozicion për një padi të bërë ndaj saj nga ministrja e Arsimit Evis Kushi, për tezat e provimit të maturantëve të cilat dolën para provimeve.
Pas daljes nga seanca gjyqësore, Vokshi u shpreh se denoncimi i një mësueseje nga Elbasani dhe më pas i publikuar nga ajo, është i vërtetë.
Ajo tha se mësuesit janë të survejuar nga patronazhistët dhe kërcënohen me vendin e punës.
“Nuk kishte asgjë në prova; kishte disa shkrime në media të ndryshme, të cilat kishin publikuar statusin që unë kisha publikuar pas denoncimit që ka bërë mësuesja. Edhe unë vura në dispozicion provat që kisha. Unë i kam me numër telefoni, me emër. I paraqita gjykatëses provat, mesazhin që më ka ardhur nga një mësuese e Elbasanit, në datën 7 prill.
Vetëm fjalia e parë e këtij mesazhi nga ana e mësueses që thotë: “Dua të denoncoj një skanda. Mos më nxirrni se më heqin nga puna”. Kjo të bën të kuptosh se cili është statusi i mësuesve, mësuesit sot nuk guxojnë të flasin, janë të survejuar nga patronazhistët dhe kërcënuar me vendin e punës”, theksoi Vokshi.
LEXONI GJITHASHTU