Në kërkim ndërkombëtar për tentativë vrasjeje, arrestohet në Tiranë 48-vjeçari turk

Një 48-vjeçar turk i shpallur në kërkim ndërkombëtar për tentativë vrasjeje është arrestuar në Tiranë me qëllim ekstradimin drejt Turqisë.

Gjatë operacionit policor të koduar “Istanbul”, shërbimet e Policisë kanë lokalizuar në Unazë të Re, kapur dhe ndaluar shtetasin turk Hasan Ozcan, 48 vjeç, banues në Tiranë.

Ky shtetas ishte shpallur në kërkim ndërkombëtar, pasi Gjykata e Krimeve të Rënda në Stamboll, Anadulu, Turqi, e ka dënuar me 3 vjet e 28 ditë burgim, për veprat penale “Pjesëmarrje në vrasje”, dhe “Vrasja e mbetur në tentativë”, parashikuar nga Kodi Penal i Turqisë.

Interpol Tirana vijon procedurat për ekstradimin e këtij shtetasi drejt Turqisë.

LEXONI GJITHASHTU:

• Vrasja në burgun e Peqinit, arrestohet drejtori dhe 12 punonjës të tjerë
• Kërcënoi policinë pasi e kapën duke vjedhur, arrestohet në flagrancë 29-vjeçari