Në kushtet e rritjes së të prekurve me COVID-19, Federata Maqedonase e Futbollit i jep fund sezonit futbollistik

Pas një mbledhje të jashtëzakonshme të Këshillit Drejtues, Federata Maqedonase e Futbollit vendosi të ndërpresë të enjten sezonin 2019-2020.

Në deklaratën zyrtare të Federatës Maqedonase thuhet se në këtë vendim ka ndikuar situata shqetësuese me rastet e shtuara pozitive me COVID-19 çka rivendosi masën e shtetrrethimit për disa qytete.

Gjithashtu ndikim në vendimin e ndërprerjes ka dhënë edhe fakti i infektimit të disa lojtarëve të Renovës dhe Shkëndijes

Vendimi është përcjellë edhe tek UEFA, me arsyetim se gjendja aktuale dhe shëndetësore në vendin fqinj, nuk lejon përcaktimin e kornizës kohore për vazhdimin e kampionatit ndërsa në ditët në vijim, do të përcaktohen skuadrat që do të luajnë në garat evropiane.