Ukrainasit vizituan varret e ushtarëve të rënë në ditën e parë pas Pashkës Ortodokse. Në Krivji Rih, banorët u mblodhën në një kompleks të ri varresh.
Ndërsa në Kharkiv, brigada ukrainase simuloi një luftim teksa vendi vazhdon përpara për kundërofensivën.
“Dita përkujtimore në Ukrainë celebrohet zakonisht një javë pas Pashkës. Ne kujtojmë familjarët tanë, ndërsa më parë kujtonim gjyshërit dhe gjyshet, ata që e kishin jetuar jetën. Por këtë vit, kjo ditë është e veçantë sepse gjatë 2022-shit kemi varrosur shumë miq dhe njerëz që njohim”, thotë Tatiana Platina, banore e Krivji Rih.
Ndërkohë, presidenti Zelensky falënderoi ushtarët ukrainas për rezistencën.
“Është e rëndësishme të kuptojmë se në çdo qytet, në çdo fshat, kudo që tani është pak a shumë qetësi; kudo ku sot ishte vetëm një ditë e qetë me diell pranvere, çdo ditë e një qetësie të tillë në zonat e pasme fitohet nga luftëtarët tanë në betejat brutale në vijën e parë, në betejën e përditshme”, u shpreh Volodymyr Zelensky, president i Ukrainës.
Ndërkohë, brigada ukrainase po stërvitet për kundërofensivën. Vullnetarë nga grupi “Spartanët”, pjesë e Gardës Kombëtare, po bëjnë ushtrime taktike me armë zjarri dhe po simulojnë evakuimin e të plagosurve.
LEXONI GJITHASHTU:
- Lula zbut qëndrimin për Ukrainën: Nuk thashë se Kievi ka faj, por duhet dialog
- Kievi u kërkon ndihmë aleatëve: 1% të GDP-së armatime për Ukrainën
