Nën ujë katet e para të banesave në zonën e ish-Kënetës në Durrës

Katet e para të banesave në zonën e ish-Kënetës në Durrës janë përmbytur.

Nga pamjet e siguruara nga Euronews Albania shfaqet uji që është futur brenda banesave, dhe nuk janë të pakta dëmet materiale.

“Kemi ndenjur në ujë, nuk na zinte gjumë, ka rënë shi gjithë natën”, u shpreh një nga banorët.

Reshjet e dendura të shiut kanë ‘pushtuar’ vendin prej më shumë se 48 orësh.

Situata vijon të mbetet shumë problematike në qarkun e Shkodrës, për shkak të reshjeve të dendura të shiut të ditëve të fundit.

Mbi 480 familje aktualisht janë nën ujë dhe deri tani janë evakuuar 30 familje.

Zonat për problematike janë në njësitë Dajç, Velipojë, Gur i Zi, Bërdicë dhe një lagje e qytetit, Ajasëm.

LEXONI GJITHASHTU:

• Reshjet e shiut ‘pushtojnë’ Durrësin, uji futet në oborret e shtëpive
• Përmbytjet në Shkodër, dëmtohet ura e vjetër e Bahçallëkut në hyrje të qytetit