Netanjahu kërcënon militantët e Gazës: Do ta paguajnë shumë shtrenjtë sulmin me raketa

Kryeministri izraelit, Benjamin Netanyahu tha të martën se militantët në Rripin e Gazës do të paguajnë një çmim shumë të shtrenjtë, pas një dite të përgjakshme sulmi me raketa nga Gaza dhe sulmeve ajrore të Izraelit në enklavën bregdetare palestineze.

“Jemi në kulmin e një situate serioze”, tha Netanyahu në një dalje televizive së bashku me ministrin e tij të mbrojtjes dhe shefin e ushtrisë. “Hamasi dhe Xhihadi Islamik paguan dhe do të paguajnë një çmim shumë të rëndë për luftën e tyre. Gjaku i tyre është i humbur”, tha kryeministri izraelit.

Militantët në rripin e Gazës lëshuan më shumë se 400 raketa në drejtim të Izraelit, që prej mbrëmjes së të hënës, duke vrarë dy persona.

Ndërkaq, Izraeli deklaroi se është kundërpërgjigjur duke goditur 150 shënjestra në Gaza. Autoritetet konfirmojnë se 28 palestinezë kanë mbetur të vrarë.