Netanjahu në SHBA falënderon Biden për “mbështetjen e përzemërt”

Udhëheqësi izraelit Benjamin Netanjahu vlerësoi presidentin Joe Biden për “mbështetjen e tij të përzemërt” për Izraelin. Ai është këtë të mërkurë në Uashington ku po mban fjalën e tij në Kongres.

“Pas sulmit të egër më 7 tetor, ai me të drejtë e quajti Hamasin ‘të keqen e plotë’,” tha ai duke iu referuar presidentit Biden.

“Ai dërgoi dy aeroplanmbajtëse në Lindjen e Mesme për të penguar një luftë më të gjerë dhe ai erdhi në Izrael për të qëndruar me ne në orën tonë më të errët, një vizitë që nuk do të harrohet kurrë”,-shtoi Netanjahu.

Kryeministri izraelit Netanjahu, për të cilin prokurorët e ICC-së aktualisht po kërkojnë një urdhër arresti për krime të dyshuara lufte, ka thënë se protestuesit pro-palestinez “qëndrojnë me të keqen”.

“Ata qëndrojnë me Hamasin, ata qëndrojnë me përdhunuesit dhe vrasësit,” tha ai, duke shtuar se ata duhet të “turpërohen”.

Ndërkohë që Netanjahu mban fjalën e tij, në Kapitol vijojnë protestat pro-plestineze.

LEXONI GJITHASHTU:

• Netanjahu vizitë në SHBA, protestuesit pro-palestinezë mblidhen pranë Kapitolit
• Analiza DW: A do të arrestohej Netanjahu po të shkonte në Gjermani?