Netanyahu: Do t’i kthejmë të gjithë pengjet, të vdekur apo të gjallë

Kryeministri izraelit Benjamin Netanyahu tha sot se ai është “i përkushtuar” për të kthyer pengjet e mbetura në shtëpi, pasi u njoftua më herët sot se forcat izraelite kishin gjetur trupat e tre pengjeve të rrëmbyer nga grupi militant palestinez Hamas.

Ai theksoi se i ishte thyer zemra nga lajmi se u gjetën trupat e Yitzhak Gellerenter, Amit Buskill dhe Shani Luke, raporton The Times of Israel.

“Unë dhe gruaja ime Sarah jemi të pikëlluar me familjet. Ne do t’i kthejmë të gjithë pengjet – të gjallët dhe të vdekurit. Përgëzoj forcat tona të guximshme që sollën në shtëpi djemtë dhe vajzat tona me veprime vendimtare”, tha Netanyahu.

LEXONI GJITHASHTU:

• Netanjahu zotohet të refuzojë çdo sanksion të SHBA ndaj ushtrisë izraelite
• Netanjahu pas thirrjeve për vetëpërmbajtje: Do vendosim vetë si të mbrohemi