Benjamin Netanyahu refuzoi një ofertë për armëpushim të bërë nga Hamas. Sipas kryeministrit izraelit, kërkesat e lëvizjes islamike janë të papranueshme, pasi praktikisht do ta kthenin situatën në status kuonë e para luftës. Netanyahu theksoi se vetëm një fitore totale do të siguronte eliminimin e Hamasit dhe kthimin e pengjeve.

“Në këmbim të lirimit të pengjeve tona, Hamasi kërkon fundin e luftës, tërheqjen e trupave tona nga Gaza, lirimin e të gjithë vrasësve dhe dhunuesve të njësive të saj dhe lënien e Hamasit të paprekur.

Nëse i pranojmë këto kushte, atëherë tradhtojmë trupat tona të rëna. Nëse i pranojmë nuk do të mund të garantojmë sigurinë e qytetarëve tanë, nuk do të kthejmë dot në shtëpi pengjet dhe përsëritja e 7 tetorit do të jetë çështje kohe”- tha­ Benjamin Netanyahu, kryeministër i Izraelit

Më herët Netanyahu shkaktoi zhgënjim tek aleatët amerikanë dhe evropianë me refuzimin e zgjidhjes me dy shtete.

Gjithashtu, ai u përball me presionin në rritje në vendin e tij, pasi të afërmit e pengjeve kërkojnë nga qeveria që të bëjë më shumë për t’i kthyer, përfshirë një armëpushim me Hamasin.