“Nevojë urgjente për armëpushim”, OKB: Duhet ndihmë humanitare në Gazë

Ekziston një “nevojë urgjente” për një pauzë për të lejuar hyrjen e ndihmave humanitare në Gaza, sipas Zyrës së OKB-së për të Drejtat e Njeriut.

“Ka pasur përpjekje shumë të mëdha diplomatike për ta bërë këtë. Sekretari i Përgjithshëm është vazhdimisht në lidhje me të gjitha palët që janë të përfshira, dhe shumë shtete të tjera anëtare po bëjnë gjithashtu atë që munden. Ne kemi nevojë për sigurinë që dërgesat të mund të ndodhin”, tha zëdhënësja e UNHRO Ravina Shamdasani për CNN të hënën.

Gaza po përballet me një krizë kritike humanitare, me mungesë të ujit, energjisë elektrike, ushqimit, karburantit dhe ilaçeve.

Qasja në ujë, qasja në ushqim, evakuimi i detyruar i qindra mijëra njerëzve në Gazën jugore ka krijuar një situatë shumë të vështirë humanitare edhe në Gazën jugore.

LEXONI GJITHASHTU:

• Sekretari i Shtetit Blinken: SHBA po punon që Gaza të marrë ndihmën e duhur
• Gaza drejt katastrofës, spitalet e stërmbushura buzë kolapsit