Neymar i bashkohet klubit saudit Al Hilal, braziliani firmos për dy sezone

Pas disa javësh bisedime gjithçka është zyrtare, Neymar është lojtari më i ri i Al Hilal. Fantazisti Brazilian ka vendosur të vijojë karrierën e tij në kampionatin arab, ndërsa ka firmosur një kontratë dy vjeçare.

PSG përfitoi nga ky transferim afro 90 milionë euro, ndërsa 31-vjeçari do të jetë një nga lojtarët më të paguar në tokën arabe.

Konkretisht 300 milionë euro në dy vite në superligën e Arabisë Saudite, ndërsa ka të drejtë rinovimi me rritje page pas përfundimit të kontratës. Pas refuzimit që Lionel Messi i bëri skuadrës së Al Hilal, drejtuesit e klubit synuan Kylian Mbappe, ndërsa edhe ky i fundit refuzoi të largohej nga kryeqyteti francez. I vetmi që pranoi kushtet ishte pikërisht Neymar, që u largua nga PSG pas plot 6 sezonesh.

Sulmuesi anësor fitoi disa trofe në Francë, ndërsa ishte i pasuksesshëm në Ligën e Kampionëve, teksa trofeun arriti ta fitonte vetëm me Barcelonën në vitin 2015.

Neymar numëron më tepër se 500 ndeshje si futbollist profesionist, ndërsa është lojtari më i shtrenjtë i blerë nga PSG me një vlerë mbi 220 milionë euro, në periudhën kur u largua nga Barcelona. Me kombëtaren Selesao numëron 124 paraqitje, ndërsa ka shënuar 77 gola.

LEXONI GJITHASHTU:

• Arratisja në Korenë e Veriut/ Ushtari amerikan u largua nga keqtrajtimi dhe racizmi
• Rritje modeste në eurozonë, 0.3% në tremujorin e dytë, por rimëkëmbja ende larg