Arratisja në Korenë e Veriut/ Ushtari amerikan u largua nga keqtrajtimi dhe racizmi

Korea e Veriut ka deklaruar se ushtari amerikan Travis King kaloi në territorin e saj muajin e kaluar për shkak të “keqtrajtimit çnjerëzor dhe diskriminimit racor” në ushtri.

Ushtari 23-vjeçar kaloi kufirin nga Korea e Jugut më 18 korrik teksa po zhvillonte një tur dhe kërkoi strehim në Veri.

Ky është reagimi i parë i Penianit lidhur me këtë çështje dhe pretendimet e tij nuk janë verifikuar ende.

Bëhet fjalë për një njoftim që deri më tani është publikuar vetëm nga agjencia shtetërore e lajmeve “KCNA”.

Komunikata nuk ofron detaje të tjera mbi gjendjen shëndetësore të ushtarit, apo nëse do ta pranojë atë si refugjat.

Shqetësimet mbi fatin e tij janë rritur, pasi mbi të nuk është dëgjuar asgjë dhe as nuk është parë më që kur kaloi kufirin.

Shtetet e Bashkuara po përpiqen të negociojnë lirimin e Travis King me ndihmën e një misioni ushtarak të OKB-së, që kontrollon zonën kufitare dhe ka pasur një linjë të drejtë komunikimi me ushtrinë koreane.

Duke reaguar ndaj njoftimit, një zyrtar i Pentagonit deklaroi se Shtetet e Bashkuara nuk mund t’i verifikojnë pretendimet e Penianit, por prioriteti i tyre është ta kthejnë ushtarin Travis King në shtëpi përmes të gjitha kanaleve të ligjshme.

LEXONI GJITHASHTU: 

• Qeveria gjermane miraton përdorimin e “kontrolluar” të kanabisit
• Motorët e ujit kthehen në problem, në Sarandë bllokohen 20 jet ski