Nga kopshti te shkolla e mesme: Finlanda dhe lufta kundër dezinformimit

Në Finlandë, nxënësit mësojnë që nga mosha 3 vjeç si të analizojnë mediat dhe të dallojnë lajmet e rreme.

Kjo është pjesë e programit shkollor kombëtar dhe ka për qëllim që qytetarët të jenë më të fortë ndaj propagandës dhe lajmeve të rreme, veçanërisht ato që vijnë nga Rusia. Anëtarësimi i Finlandës në NATO në 2023 po ashtu ka rritur vëmendjen ndaj dezinformimit, dhe vendi ka zgjedhur ta trajtojë këtë problem që në shkollë.

Tani, shkollat po shtojnë edhe arsim mbi inteligjencën artificiale (AI). Nxënësit mësojnë si të dallojnë fotot dhe videot e krijuara nga AI dhe si të verifikojnë informacionin që marrin online.

Në Shkollën Fillore Tapa-nila, nxënësit e klasës së katërt mësojnë të vëzhgojnë titujt e lajmeve, tekstet dhe të krijojnë lista me shenja që tregojnë nëse një informacion është i besueshëm.

Finlanda ka një traditë të gjatë në edukimin mediatik. Nxënësit marrin pjesë në iniciativa si “Javën e Gazetës”, ku gazeta dhe materiale të tjera informative u dërgohen të rinjve, ndërsa të rriturit mund të ndjekin kurse të veçanta për të kuptuar dezinformimin.

Ekspertët paralajmërojnë se, ndërsa teknologjia AI përparon dhe krijon përmbajtje gjithnjë e më të sofistikuar, do të bëhet më e vështirë të dallosh lajmet e rreme nga informacioni i saktë.

 Edukimi që fillon që në moshë të hershme është kyç për të mbrojtur demokracinë, sigurinë dhe qytetarinë aktive në Finlandë.