Nga nesër, karantinë 2-javore për udhëtarët nga RMV-ja dhe Greqia, gjimnazistët rikthehen në klasa

Komitetit Teknik i Ekspertëve në mbledhjen e fundit vendosi se personat që do të vijnë nga Maqedonia e Veriut dhe Greqia, do të vendosen në karantinë 2 javore. Zv. ministrja e Shëndetësisë, Mira Rakacolli, sqaroi se kjo masë do të jetë në fuqi deri më 3 maj.

Duke qenë se situata e COVID-19 në vend, është duke u përmirësuar dhe stabilizuar, Komiteti Teknik vendosi që nxënësit në gjimnaze të vitit të parë dhe të dytë, të cilët deri më tani e kanë zhvilluar mësimin online, mund të rikthehen ta zhvillojnë mësimin në godinat e shkollave, por duke përdorur skenarin e alternimit.

“Nxënësit e viteve të parë dhe të dyta që kanë qenë në mësim online, mund të fillojnë edhe mësimin në klasë”, tha zv. ministrja e Shëndetësisë Rakacolli.

Ndërkohë vijojnë të jenë në fuqi masat kufizuese:

-Ndalimi i qarkullimit të lëvizjes për qytetarët nga ora 22:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania.

-Mësimi vijon të jetë online në universitete.

Lexoni gjithashtu:

https://euronews.al/vendi/aktualitet/2021/04/18/ministrja-e-shendetesise-konfirmon-mbylljen-e-spitalit-covid-3/

https://euronews.al/vendi/aktualitet/2021/04/09/mira-rakacolli-vaksina-kineze-parandalon-100-vdekjen-nga-covid-19/