Nga objekte propagandistike në të mbrojtura: Mozaikët sovjetikë që kanë mbijetuar në Ukrainë

Mozaikët sovjetikë mund të shihen kudo në Ukrainë, në qytete të mëdha e të vogla, në pallate, madje edhe në stacionet e autobusëve.

Ato nisën të shfaqen për herë të parë në Ukrainë në vitet 1960 nën regjimin e Leonid Brezhnev dhe shpesh përdoreshin si mjete propagandistike të sovjetikëve. Mozaikët rrallë herë regjistroheshin e as autori i tyre nuk bëhej i njohur.

Ashtu si veprat socialiste, mozaikët përdoreshin rëndom për të përhapur ideologjinë sovjetike, duke portretizuar jetën e përsosur të punonjësve të thjeshtë, e duke çmuar heronjtë kombëtar dhe forcën e Partisë Komuniste.

Përpos qëllimeve ideologjike, disa artistë i përdornin mozaikët si një mundësi për të krijuar pamje poetike, duke eksperimentuar me stile të ndryshme në mënyrën si përfaqësonin vendit e tyre.

Periudha post-sovjetike

Pas rënies së Bashkimit Sovjetik në 1991, mozaikët filluan të neglizhoheshin dhe qindra prej tyre u shkatërruan nga pronarët e ri të pallateve. Faktorë si vandalizmi, ashtu si dhe vetë koha, gjithashtu patën një rol kyç në rrënimin e tyre.

Sot, është e pamundur të thuhet se sa mozaikë sovjetikë mund të jenë në Ukrainë, apo sa prej tyre janë shkatërruar.

Historianë të artit dhe qytetarë në mbarë Ukrainën kanë filluar të kuptojnë rolin e artit sovjetik në historinë e vendit të tyre ndaj tani po përpiqen të ruajnë ato çfarë kanë mbetur.

Mozaik sovjetik në Ukrainë by Euronews Balkans