Nga vazot e lashta te këpucët ikonike, ekspozohen 3,000 vjet histori olimpike

Ekspozita “Lojërat Olimpike. Një histori 3000-vjeçare”, e hapur në zemër të Milanos, sjell një udhëtim unik përmes kohës, duke ndërthurur trashëgiminë e lashtë me frymën e Lojërave.

Ndërsa Lojërat Olimpike Dimërore Milano-Cortina 2026 kanë filluar zyrtarisht, temat e tyre duken më aktuale se kurrë.

“Ekspozita këtu tregon se të tre qytetërimet e mëdha (greke, etruske dhe romake), të gjitha sollën diçka dhe kanë diçka për të na sjellë, dhe se Lojërat Olimpike të kohës moderne kanë gjithashtu trashëgimi, ato gjithashtu sollën risi”, thotë, Drejtor i Muzeut Kantonal të Arkeologjisë dhe Historisë (MCAH) të Lozanës dhe një nga kuratorët e ekspozitës.

Objektet antike, si vazo të zbukuruara me skena sportive apo një këmbë terrakote nga epoka helenistike, qëndrojnë pranë relikeve bashkëkohore, përfshirë këpucën e artë të Michael Johnson nga Atlanta 1996 apo shkopin e nënshkruar nga ekipi italian i stafetës fitues në Tokio 2020. Sipas Giovanna Forlanelli, presidente e Fondacionit Luigi Rovati, kjo ndërthurje synon të tregojë vazhdimësinë e historisë së artit dhe qytetërimit nga e kaluara në të tashmen.

Kuratorja Muzeu Olimpik i Lozanës thekson se Lojërat, si në antikitet ashtu edhe sot, kanë shërbyer si hapësira ndërkombëtare takimi dhe dialogu mes popujve. Ajo vë në dukje se një moment kyç në evolucionin e tyre ishte viti 1900, kur në Lojërat e Parisit u lejuan për herë të parë gratë të garonin.

Sipas organizatorëve, çdo objekt është zgjedhur për të treguar jo vetëm një arritje sportive, por edhe një histori njerëzore e shoqërore të lidhur me kohën e vet.

Medalje, statuja, postera, pishtarë dhe afreske të tjera e shndërrojnë ekspozitën në një udhëtim përmes tre mijë vjetëve histori, ku sporti shfaqet si një element i përhershëm i identitetit dhe dialogut mes kulturave.