Nis punën Komisioni për Dezinformimin, Braçe: Opozitë të na bashkohet

Pas afro dy muaj nga momenti kur u miratua në Kuvend ngritja e tij, këtë të mërkurë është konstituar Komisioni i Posaçëm i dezinformimit, i cili u mblodh me kërkesë të kryetarit, Erion Braçe. Ashtu siç ishte paralajmëruar asnjë nga deputetët e opozitës nuk ishin të pranishëm, as nga grupi parlamentar demokrat e as nga dy grupet e tjera më të vogla opozitare, edhe pse më herët Mesila Doda dhe Fatmir Mediu kishin deklaruar se do të bëheshin pjesë e komisionit.

Gjatë mbledhjes ku ishte e pranishme edhe kryetarja e Kuvendit Nikolla, Braçe u shpreh se në fokus të këtij organi parlamentar do të jetë fenomeni i dezinformimit si një rrezik për sigurinë kombëtare.

Një ftesë për kolegët e opozitës që bashkohen në punën e këtij komisioni kishte dhe kreu i grupit parlamentar socialist, Bledi Çuçi.

Komisioni i Posaçëm për Dezinformimin do të funksionojë për një afat kohor 1-vjeçar, dhe synon të nxisë identifikimin e ndërhyrjes së huaj në proceset demokratike duke nisur nga fushatat e dezinformimit nëpërmjet mediave tradicionale dhe atyre sociale.

LEXO GJITHASHTU:

• “Mea culpa” e Erion Braçes: Jam sjellë keq me Jozefina Topallin, i kërkoj ndjesë
• “Më vunë pistoletën në kokë e më rrahën”, Braçe zbulon zgjedhjet e 1996