Nis sot festivali i këngës “Eurovision”, kur performon Shqipëria

Nën sloganin “të bashkuar nga muzika”, nis këtë të martë në Liverpul festivali europian i këngës “Eurovision”.

Skena dhe artistët janë gati për të shpalosur para publikut performancat e tyre.

Ukraina fitoi vitin e kaluar por për shkak të luftës festivali zhvillohet në Britani. Siç ka ndodhur që nga viti 2008 për shkak të numrit të madh të pjesëmarrësve, Eurovizioni shtrihet në tri netë spektakli, dy gjysmëfinalet 9 dhe 11 maj dhe në fund nata finale më 13 maj.

Shqipëria këtë vit do të performojë në natën e dytë. Vendi ynë përfaqësohet nga Familja Kelmendi me këngën ‘Duje’. Tri këngët e para natën e parë janë Norvegjia, Malta dhe Serbia. Sipas mediave një nga favoritët për këtë vit është Finlanda, por duhet të presim natën finale të 13 majit për ta mësuar.

LEXO GJITHASHTU:

• Hera e parë që një familje performon në Eurovision, Albina Kelmendi rrëfen emocionet
• Jo vetëm Luizi, edhe një shqiptare mes më të klikuarave për janarin në Eurovision