Nis viti akademik, pedagogia: Protesta është mbarësi, Rama të dëgjojë kërkesat

Pedagogia Orinda Malltezi tha për Euronews Albania se nisja e vitit të ri akademik me protesta është mbarësi.

“Është kohë për të ndryshuar, ai duhet t’i dëgjojë pedagogët dhe zërin e të gjithë atyre që janë në nevojë, sepse ne po solidarizohemi me pedagogët që janë në vështirësi, jo të gjithë kanë të njëjtin standard jetese,” – u shpreh ajo duke iu referuar kryeministrit Rama.

Sipas Malltezit, kërkesat duhet të ishin më të forta, por protesta po bëhet vetëm për ato pedagogë që janë në vështirësi.

Sindikata e Punonjësve të Universiteteve ka deklaruar të premten, në protestën e zhvilluar para Universitetit të Arteve, se do të bojkotojnë procesin mësimor i cili është parashikuar që të nisë pikërisht sot në 17 tetor.

Ata shprehen se ky vendim i tyre do të vazhdojë deri në plotësimin e kërkesave nga ana e qeverisë.

LEXONI GJITHASHTU:

• Nesër protesta pedagogëve, Berisha: Të gjithë të marrin pjesë, bojkotoni mësimin
• Kushi u kërkon dialog pedagogëve: Bashkëpunimi është zgjidhja më e mirë
• Pedagogët në protestë në ditën e parë të mësimit: Të na bashkohen edhe studentët