Nisja e sezonit turistik, Policia tregon rrugët ku do të ketë kufizime të mjeteve

Policia ka njoftuar se me nisjen e sezonit turistik, në kuadër të masave lehtësuese për qarkullimin e mjeteve, do të filloi zbatimi i kufizimeve të parashikuara në udhëzimin e përbashkët, gjatë fundjavës dhe ditëve të festave zyrtare.

Përmes një njoftimi Policia ka bërë të ditur edhe akset rrugore ku do të zbatohen këto kufizime në të gjithë vendin.

Po ashtu Policia apelon për zbatim të kufizimeve të parashikuara për mjetet e transportit të mallrave, me qëllim lehtësimin e levizjes dhe aksesit për pushuesit e huaj dhe vendas.

Policia e Shtetit:

Me fillimin e sezonit turistik veror dhe në kuadër të masave lehtësuese për qarkullimin e mjeteve, Policia e Shetit bën me dije se më datë 15.06.2024, fillon zbatimi i kufizimeve të parashikuara në udhëzimin e përbashkët, gjatë fundjavës dhe gjatë ditëve të festave zyrtare.

Akset rrugore për të cilat do të zbatohen kufizimet, sipas udhëzimit, janë:

1-Shkodër-Hani Hotit

Shkodër-Muriqan

Shkodër-Plazhi Zogaj

Shkodër-Plazhi Shirokë

Shkodër-Velipojë

Shkodër-Shëngjin

2-Lezhë-Shëngjin

Lezhë-Patok

Lezhë-Kryqëzimi Milot-Kukës

3-Tiranë-Durrës

Tiranë-Gjiri i Lalëzit

4-Elbasan-Pogradec

Elbasan-Rrogozhinë

5-Durrës-Currila

Durrës-Gjiri i Lalëzit

Durrës-Kavajë

Durrës-Kryqëzimi Milot-Kukës

6-Kavajë-Plazhi i Gjeneralit

Kavajë-Spille

Kavajë-Lushnjë

7-Fier-Lushnjë

Fier-Seman

Fier-Plazhet e Poros

8-Vlorë-Zvërnec

Vlorë-Palasë-Dhermi-Sarandë

Sarandë-Qafë Botë

Sarandë-Butrint

9-Pogradec-Lin-Qafë Thanë

Pogradec-Tushemisht

10-Tepelenë-Gjirokastër-Kakavije

11-Bajram Curri-Qafë Morinë.

Bajram Curri-Valbonë

Duke marrë shkas nga turizimi i shtuar, i cili reflekton rritje të mjeteve në qarkullim, veçanërisht gjatë sezonit turistik veror, Policia e Shtetit apelon për zbatim të kufizimeve të parashikuara për mjetet e transportit të mallrave, me qëllim lehtësimin e levizjes dhe aksesit për pushuesit e huaj dhe vendas.

LEXONI GJITHASHTU:

• Çelet sezoni turistik në Pustec, dyfish rezervimet në raport me vitin e kaluar
• Sezoni turistik në Pogradec/ Riten rezervimet, probleme me gjetjen e punëtorëve