Një bandë e armatosur liroi 500 persona nga burgu në Haiti

Burra të armatosur në Haiti liruan rreth 500 të burgosur në qytetin qendror të Mirebalais, tha sot zëdhënësi i policisë kombëtare Lionel Lazar.

Lazar i tha Reuters se policia tani kishte marrë kontrollin e qytetit, i cili ndodhet rreth 55 kilometra në perëndim të kufirit me Republikën Domenikane.

Incidenti i ri vjen pas raportimeve se një stacioni policor lokal u dogj nga anëtarët e aleancës së bandës Viv Ansanm.

Haiti është përballur prej kohësh me nivele të larta të dhunës në rrugë dhe Këshilli i Sigurimit i OKB-së i dha dritën jeshile në tetor 2023 Misionit Ndërkombëtar të Asistencës për Sigurinë (MMAS), të udhëhequr nga Kenia, për të ndihmuar policinë Haitiane të merret me dhunën e bandave.

Sipas MMAS, vetëm rreth 800 oficerë policie nga gjashtë vende janë vendosur që nga vera e kaluar dhe autoritetet kalimtare të Haitit po bëjnë thirrje që misioni të transformohet në një forcë paqeruajtëse të OKB-së.

LEXONI GJITHASHTU:

• Shpërthim gazi në një ndërtesë në Romë, humb jetën turisti skocez
• NATO përforcon praninë në Kosovë