Një grua është nxjerrë e gjallë nga rrënojat e një ndërtese të shembur në Turqi mëngjesin e sotëm, një javë pasi dy tërmete vdekjeprurëse goditën vendin.

Sibel Kaya u shpëtua në rajonin e Gaziantepit rreth 170 orë pasi tërmeti i fuqishëm shkatërroi provincën, e cila ishte afër epiqendrës.

Ekipet e shpëtimit në Kahramanmaras në jug kishin kontaktuar gjithashtu me tre të mbijetuar të tjerë, raportoi CNN, që besohet të jenë një nënë, vajzë dhe foshnjë.

Shanset për të gjetur të mbijetuar po pakësohen çdo ditë, por nuk është e pamundur.

Numri i të vdekurve në të gjithë Sirinë dhe Turqinë u rrit në 33,000 të dielën, dhe kjo ka të ngjarë të vazhdojë të rritet.

Të dielën, ekipet e shpëtimit nga Rusia, Kirgistani dhe Bjellorusia nxorën të gjallë një burrë nga një ndërtesë e shembur në Turqi, rreth 160 orë pasi i goditi tërmeti.

LEXONI GJITHASHTU: 

• E pabesueshme në Turqi| Anija qëndron në portin e Iskenderun dhe shërben si spital
• Mjeku: Të mbijetuarit nën rrënoja janë si në koma, trupi harxhon rezervat e veta