Mjeku: Të mbijetuarit nën rrënoja janë si në koma, trupi harxhon rezervat e veta

Mjeku Elton Soydan tregoi në një intervistë për “Good morning Albanians” në Euronews Albania, se të mbijetuarit nga tërmeti në momentin që dalin nga rrënojat janë njësoj si në një gjendje kome.

Kjo, sipas mjekut, vjen si pasojë e harxhimit të rezervave të trupit të secilit individ që bllokohet nën gërmadha dhe i duhet të qëndrojë aty deri në momentin që një grup kërkim-shpëtimi ta nxjerrë.

“Nga hipotermia që krijohet brenda gërmadhave, pra në një temperaturë nën 0 gradë, trupi mbyll veten dhe ngaqë mbyll veten mund të krijohet një status prej kome dhe njerëzit që punojnë në kërkim-shpëtim mund të kujtojnë se njerëzit atje mund të kenë vdekur, mirëpo kjo është një gjë e gabuar. Prandaj, shpëtimi duhet të jetë me një ndjeshmëri shumë të lartë,” – u shpreh Soydan.

LEXONI GJITHASHTU:

• Dendias ngushëllon Çavusoglu, ministri grek viziton zonat e prekura nga tërmeti
• Pamje nga droni, si duken qytetet turke të shkatërruara nga tërmeti