Një grua ruso-amerikane dënohet me 12 vjet burg në Rusi për tradhti

Një gjykatë ruse ka dënuar balerinën amatore Ksenia Karelina me 12 vjet burg për tradhti. Ajo akuzohet për dhurimin e 51 dollarëve për një bamirësi që mbështet Ukrainën.

Karelina, e cila ka nënshtetësi amerikane dhe ruse, u deklarua fajtore javën e kaluar pas një gjyqi të mbajtur me dyer të mbyllura.

Ajo kishte jetuar në Los Anxhelos dhe u bë shtetase amerikane në vitin 2021. Ajo u arrestua gjatë një vizite familjare janarin e kaluar në Yekaterinburg, rreth 1,600 km  në lindje të Moskës.

Prokurorët kishin kërkuar një dënim me 15 vjet burg. Gjykata në Yekaterinburg e shpalli atë fajtore për tradhti të lartë dhe e dënoi me burgim në një koloni penale të regjimit të përgjithshëm.

LEXONI GJITHASHTU:

• Lufta në Gaza| Më shumë se 40,000 palestinezë janë vrarë që nga 7 tetori
• Shantazhonte të miturat dhe u kërkonte marrëdhënie seksuale, arrestohet 27-vjeçari