Një i burgosur në Kosovë gëlltit celularin, i nënshtrohet operacionit

Mjekët në Kosovë thonë se kanë hequr me sukses një celular nga stomaku i një të burgosuri. Procedura u krye nga kirurgët në qendrën klinike universitare në kryeqytetin Prishtinë javën e kaluar.

I burgosuri 33-vjeçar, ishte ankuar për dhimbje stomaku për disa ditë.

Ai u dërgua në departamentin gastroenterologjik të klinikës, ku mjekët zbuluan telefonin “Nokia 3310” në stomakun e tij.

Skender Telaku, gastroenterologu që drejtoi ekipin mjekësor që kreu operacionin, i tha AFP se operacioni dy orësh rezultoi i suksesshëm.

“Me mjete endoskopike, pa hapur stomakun, ne e hoqëm telefonin e çmontuar në tri pjesë”, tha Telaku.

Ai shtoi se ekipi mjekësor i kishte kushtuar vëmendje të veçantë baterisë së telefonit dhe “rrjedhjes së mundshme të acidit gërryes”.

Nuk është e qartë se si burri e gëlltiti telefonin, por autoritetet dyshojnë se i burgosuri e kishte përdorur pajisjen për të komunikuar me njerëzit jashtë.

LEXONI GJITHASHTU:

• Analisti: Pa një opsion nga BE-SHBA s’shoh zgjidhje në dialogun Kosovë-Serbi
• Ekskluzive/ Kryetari i PDK Memli Krasniqi: Albin Kurti, show me dialogun
• A po planifikohet të publikohen akuza të reja? Pëgjigjet kryetarja e “Speciales”