Një person fotografoi votën në prani te anëtareve te komisionit në Vlorë

Pas një pezullimi të aktivitetit në një nga qendrat e votimit në Vlorë, për shkak se një person ka fotografuar votën me celular, qendra përkatëse është rihapur dhe ka filluar normalisht procesi i votimit.

Ka qenë monitoruesja që e ka pikasur që në fillim aktin e fotografimit të votës, ndërsa personi është përpjekur ta fshehë celularin. Kryetari dhe një anëtare tjetër kanë dëgjuar shkrepjen e celularit.

Personi që ka bërë fotografimin e votes ka qenë me kapele dhe kartë ID të dëmtuar.

Pasi rasti është evidentuar, atëherë edhe personi e ka fshirë foton. Ka qenë një anëtare që e ka përforcuar dëshminë e krimit. Kamerat kane incizuar gjithçka dhe është bërë edhe procesverbali.

Ngjarja ka ndodhur në qendrën e votimit 4498/1, KZAZ 86 në shkollën Industriale “Pavaresia”në Vlorë.

Drejtoria e Policisë Vlorë, forca e krimeve elektorale dhe katër oficere po futen brenda ne Qendrën e votimit, mirëpo ka një problematikë mbi autorizimin.