Një person i armatosur vret ndihmësit e kryetares së bashkisë të Meksikos në rrugës

Një person i armatosur ka qëlluar për vdekje dy ndihmës të lartë të kryebashkiakes së Meksikos, Clara Brugada.

Sekretarja private e kryetarit të bashkisë, Ximena Guzmán, dhe këshilltari i Brugadës, José Muñoz, u vranë teksa po shkonin në punë të martën në mëngjes sipas orës lokale.

Dëshmitarët thanë se një burrë i armatosur hapi fillimisht zjarr ndaj Guzmán, e cila kishte ndaluar makinën e saj në anë të një rruge të ngarkuar për të marrë kolegen e saj, dhe më pas ndaj Muñoz, i cili po bëhej gati të hipte në makinën e Guzmán për udhëtimin e tyre të mëngjesit.

Sipas BBC, personi i armatosur është arratisur me një motoçikletë dhe ka pasur të paktën një bashkëpunëtor. Motivi i mundshëm për vrasjen është ende i panjohur, por sulmi është i fundit në një seri vrasjesh të politikanëve vendas në të gjithë vendin.

Kryetarja e bashkisë Brugada ishte dukshëm e trishtuar gjatë një konference për shtyp kur kujtoi se si kishte “ndarë ëndrrat dhe vështirësitë” me dy ndihmësit e saj gjatë viteve që kishin punuar për të.

Ajo tha se do të sigurohej që vrasjet të mos mbeteshin pa u ndëshkuar.