“Një pjesë do gëzohen, të tjerët do mërziten”, flet ish-kryeministri Nano pas votimit

Ish-kryeministri Fatos Nano ka votuar në qendrën e votimit në Mullet së bashku me bashkëshorten.

Në deklaratën për mediat, Nano tha se shpreson që kjo të mos jetë një ditë më e gjatë se të tjerat dhe periudha e pritjes të mos jetë e gjatë.

“Në fund, një pjesë do gëzohen, një pjesë do mërziten, ama jam i sigurt që ata që do gëzohen, do gëzohen për të gjithë dhe shpresoj që ata që do mërziten, të mërziten vetëm për vete dhe të mos iu mbajë shumë (mërzia),” – u shpreh Nano.

Sipas tij pjesëmarrja në votime deri më tani është pak e ulët dhe ndaj pohoi se me votimin e tij donte të nxiste qytetarët që të shkojnë drejt kutive të votimit për të ushtruar të drejtën e tyre.

LEXONI GJITHASHTU:

• Vizita e ambasadorit Soreca në qendrat e votimit: Procesi po funksionon
• Fotografoi votën, arrestohet 30-vjeçari në Tiranë
• Liderët politik i drejtohen kutive të votimit | No comment