Njëmbëdhjetë viktima me Covid-19 në Kosovë

Gjatë 24 orëve të fundit në Kosovë janë kryer 1530 testime të dyshuara me Covid-19, kurse  478 prej tyre kanë rezultuar pozitivë.

Këto të dhëna janë bërë publike nga Instituti i Shëndetit Publik, i cili thekson se përkundër angazhimit të mjekëve, 11 pacientë kanë humbur jetën duke e çuar kështu numrin total të viktimave në 1073, që prej fillimit të pandemisë.

“Numri total i rasteve pozitive është 41.777 raste nga 149.743 persona të dyshimtë në virusin SARS-CoV-2 dhe 1.073 raste të vdekjes. Gjatë 24 orëve të fundit, janë shëruar 690 pacientë derisa numri i përgjithshëm i të shëruarve deri më sot është gjithsej 27.143 raste, kurse numri i rasteve aktive është 13.561”, raporton IKSHPK-ja.

Rastet pozitive:

Komuna Prishtinë 205 raste, Mitrovicë 34 raste, Gjilan 29 raste, Podujevë 28 raste, Gjakovë 25 raste, Fushë-Kosovë 23 raste, Suharekë 15 raste, Kamenicë 12 raste, Pejë 12 raste, Ferizaj 11 raste, Lipjan 11 raste, Obiliq 11 raste, Prizren 11 raste, Vushtrri 9 raste, Drenas 7 raste, Viti 7 raste, Skenderaj 6 raste, Deçan 5 raste, Malishevë 5 raste, Klinë 3 raste, Kllokot 2 raste, Rahovec 2 raste dhe me nga 1 rast Dragash, Hani i Elezit, Kaçanik, Ranillug, Shtime.

Në bazë të shifrave të bëra publike, vihet re një ulje e numrit të testimeve për Covid-19, ndërkohë numri i viktimave mbetet i lartë në krahasim me numrin e popullsisë.