Nuk deklaruan 18 mijë franga dhe 9 mijë euro në kufi, procedohen dy të rinjtë

Dy shtetas kosovarë janë vënë nën hetim pas një kontrolli nga Policia Kufitare në pikën e kalimit të Morinës. Ata po hetohen për veprën penale “Mosdeklarimi në kufi i të hollave dhe i sendeve me vlerë”.

Shtetasit E. H., 22 vjeç dhe D. H., 32 vjeç, të dy banues në Kosovë, nuk kanë deklaruar një shumë të konsiderueshme parash gjatë kalimit të kufirit. Gjatë kontrollit në automjetin tip “Volksëagen”, të drejtuar nga E. H., Policia Kufitare gjeti 18,000 franga zvicerane dhe 9,150 euro, të cilat u sekuestruan si prova materiale.

Pas ngjarjes, materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm Kukës për veprime të mëtejshme.

LEXONI GJITHASHTU:

• Tentoi të fuste në Shqipëri 30 mijë euro të padeklaruara, procedohet 38-vjeçari
• Tentoi të dilte nga Shqipëria me 29 850 euro të padeklaruara, procedohet 43-vjeçari