‘Nuk do lejojmë dhunë’, Vuçiç reagon pas incidentit me ekstremistët e djathtë serbë

Presidenti i Serbisë, Aleksandër Vuçiç deklaroi se shteti nuk do të lejojë dhunë dhe do të veprojë menjëherë, pasi protestuesit e krahut të djathtë tentuan të hynin në Presidencën serbe.

“Shteti nuk do të lejojë banditët dhe ekstremistët, me ndihmë nga jashtë, qoftë nga Perëndimi apo Lindja, që të kërcënojnë rendin kushtetues”, tha ai për televizionin Pink.

Pas protestës së djathtistëve pro-rusë në Beograd, Vuçiç mbajti një takim me shërbimet e sigurisë, por nuk dha detaje.

Djathtistët serbë u mblodhën në Beograd më 15 shkurt për të protestuar kundër autoriteteve serbe dhe dialogut me Kosovën, që zhvillohet nën ndërmjetësimin e Bashkimit Evropian.

Në këtë protestë, të organizuar nga organizata e ekstremit të djathtë, “Patrulla e Popullit”, u panë edhe simbolet e grupit mercenar rus, Wagner.

LEXONI GJITHASHTU

• Ekstremistët e djathtë serbë protestojnë me simbole të Wagner kundër dialogut
• Albin Kurti: S’mund të ketë normalizim të raporteve me Serbinë pa njohje reciproke
• Vuçiç nderon Richard Grenell për “qasje të balancuar ndaj Serbisë”