“Nuk jam këtu si VIP, por si nënë”, Beyonce në mitingun e Kamala Harris në Houston

Këngëtarja me famë botërore Beyonce shfaqet për herë të parë në një miting të kandidates demokrate Kamala Harris.

Ajo u ndal te një nga çështjet më të ndjeshme për amerikanët, ajo e abortit, ku tha “Unë jam këtu si nënë”.

“Për të gjithë burrat dhe gratë në këtë tubim, por edhe ata që na shohin përmes ekranit, ju them se ne kemi nevojë për ju. Ne duhet të votojmë”, tha Beyonce para një turme prej 30,000 njerëzish në stadiumin e hapur Shell Energy në Hjuston.

Ndërsa Harris u shpreh se nëse Donald Trump fiton përsëri, ai do të ndalojë abortin në mbarë vendin.

Nën sfond është luajtur kënga e Beyonce, e titulluar “Freedom”.

Harris renditi ndikimet e shumta të ndalimeve të abortit si ai në Teksas, të cilin ajo e quajti bazë zero për të drejtën për liri riprodhuese.

Harris e ka përqendruar fushatën e saj në temën e lirisë. Në ditët e fundit të fushatës, ajo e ka përshkruar Trumpin si një kërcënim. Në fillim të kësaj jave, Harris u shpreh se Trump ishte një “fashist”.

LEXONI GJITHASHTU:

• Harris fushatë në Xhorxhia, synon votuesit me ngjyrë, në mbështetje edhe Obama
• Harris parashikon mundësinë e shpalljes së fitores së parakohshme nga Trump