PD pretendon se në KZAZ 22 në Durrës ka vota që nuk i përkasin kësaj qendre, reagon PS

Ka pasur një konflikt të brendshëm mes anëtarëve të KZAZ 22 në qarkun e Durrësit, pasi nga Partia Demokratike pretendohet se nëpër kuti votimi ka vota të cilat nuk i përkasin kësaj qendre.

“Janë konstatuar disa fletë votimi në kuti ku nuk duhet të ndodheshin, pasi numri i votave është më i lartë se numri i votuesve. Janë diku te 8-7 fletë”, u shpreh zv.kryetari i KZAZ 22 në Durrës.

Gjithashtu, zv.kryetari i kësaj qendre tha se ka parregullsi në mënyrën e komunikimit të disa anëtarëve të kësaj KZAZ-je, të cilët sipas tij, përpiqen të fshehin parregullsitë dhe gabimet që ndodhin gjatë procesit të numërimit, duke penguar edhe anëtarët e tjerë për t’i konstatuar dhe për t’i shënuar ato në procesverbal.

Ndërkohë shtabi i PS-së Durrës sqaron se bëhet fjalë për 4 qendra votimi brenda një ambienti të madh, të hapur dhe votuesi i lagjes x e ka hedhur fletën e votimit në kutin e lagjes y.

Sipas tyre, kjo ngatërrese ka ndodhur me 4 fletë votimi, të cilat nuk kanë asnjë pavlefshmëri.

Ata shtojnë se është një gabimi njerëzor i votuesit që e ka hedhur në kutinë e gabuar, që i përkiste tjetër zone po brenda plazhit Durrës.