Nutricionistja Dosti: Jo lëng frutash në mëngjes, ju bën me diabet

Nutricionistja Diola Dosti, thotë se fëmijëve nuk duhet t’u jepet lëng frutash në mëngjespa konsumuar më parë diçka, sepse rrezikojnë që në të ardhmen të bëhen me diabet.

Në emisionin “Good Morning Albanians” në “Euronews Albania”, Dosti u shpreh se në momentin kur konsumohet lëngu i frutave, që nuk e ka prezencën e fibrave brenda, automatikisht mund të ndikojë në rritjen e nivelit të glukozës ose sheqerit në gjak.

“Shoh shumë shpesh nëna të reja që janë të fiksuara pas lëngjeve të frutave dhe në përditshmërinë e regjimit ushqimor të fëmijës së tyre; mund t’ju japin edhe lëngje që në mëngjes, sepse thonë se nëse nuk e hanë mëngjesin ose vezën, të paktën të pijnë një lëng portokalli. Jo.

As lëngjet e shtrydhura të freskëta, sidomos në mëngjes me stomak bosh, nuk u duhet dhënë fëmijëve, sepse në të ardhmen mund të rrisin fëmijë diabetikë. Në momentin kur konsumohet lëngu i frutave, që nuk e ka prezencën e fibrave brenda, automatikisht mund të ndikojë në rritjen e nivelit të glukozës ose sheqerit në gjak”, theksoi ajo.

LEXONI GJITHASHTU

• ‘Hanim ushqimin e një jave’, rrëfimi i një jetimi në jetimoren e Shkodrës
• Mokra n’fest, ushqime tradicionale, valle të zonës dhe plot aktivitete
• Shqipëria me çmimet më të ulëta të ushqimeve në rajon