Obama mbështet Harris: Jemi gati për një presidente femër në SHBA

Ish-presidenti amerikan Barack Obama tha para 50 mijë të pranishmëve në konventën demokrate në Çikago që të mos ndihen të vetëkënaqur për politikën dhe të votojnë për Kamala Harris.

Obama e përdori fjalimin e tij edhe për të paralajmëruar për rrezikun që vjen nga rizgjedhja e ish-presidentit Donald Trump.

“Nuk na duhen 4 vite të tjera turpërim dhe kaosi kumbues. E kemi parë më parë këtë film dhe të gjithë e dimë se vazhdimi do të jetë më i keq. Amerika është gati për një kapitull të ri, për një histori më të mirë. Ne jemi gati për një presidente si Kamala Harris”, tha Harris.

Obama, presidenti i parë me ngjyrë në historinë e Shteteve të Bashkuara, vlerësoi gjithashtu presidentin aktual Joe Biden, për faktin se hoqi dorë nga ambiciet personale për hir të vendit dhe u tërhoq nga gara.

Nëse fiton në zgjedhjet e nëntorit, Harris do të jetë e para grua që do të marrë drejtimin e Shtëpisë së Bardhë.

LEXONI GJITHASHTU:

• Barack dhe Michelle Obama paralajmërojnë garë të ngushtë në zgjedhjet në SHBA
• NYP: Pse Obama nuk e ka mbështetur kandidaturën e Harris për president të SHBA-ve