Obama telefonon Harris, do të bëjmë gjithçka që Kamala të fitojë zgjedhjet në SHBA

Ish-presidenti Barack Obama ka shprehur mbështetjen e tij të plotë për Kamala Harris, si kandidate e demokratëve për Presidente në zgjedhjet e nëntorit në SHBA.

Komentet Obama i bëri përmes një postimi në rrjetin social ‘X’, ku tha se ai dhe Michelle Obama e kishin telefonuar Harris për t’i shprehur mbështetjen e tyre.

“Në fillim të kësaj jave, Michelle dhe unë telefonuam mikeshën tonë @KamalaHarris. Ne i thamë asaj se mendojmë se ajo do të bëhet një Presidente fantastike e Shteteve të Bashkuara dhe se ajo ka mbështetjen tonë të plotë. Në këtë moment kritik për vendin tonë, ne do të bëjmë gjithçka që mundemi për të siguruar që ajo të fitojë në nëntor. Shpresojmë se do të na bashkoheni”, ka shkruar Obama në rrjetin social ‘X’.

Earlier this week, Michelle and I called our friend @KamalaHarris. We told her we think she’ll make a fantastic President of the United States, and that she has our full support. At this critical moment for our country, we’re going to do everything we can to make sure she wins in… pic.twitter.com/0UIS0doIbA

— Barack Obama (@BarackObama) July 26, 2024

Po ashtu, zëvendëspresidentja e falënderoi ish-Presidentin Obama përmes një shkrimi në llogarinë e saj në rrjetin social ‘X’.

“Do të thotë shumë për mua të kem mbështetjen tuaj, Michelle dhe Barack Obama. Le të shkojmë në punë”, ka shkruar Harris.

Bashkëngjitur shkrimit, ajo postoi edhe një video të një telefonate mes Obamës dhe vetes.

It means so much to have your endorsements, @MichelleObama and @BarackObama.

Let’s get to work. pic.twitter.com/rAuTyIlCai

— Kamala Harris (@KamalaHarris) July 26, 2024

LEXONI GJITHASHTU:

• Obama dhe Pelosi i kanë kërkuar që Biden të rishqyrtojë kandidimin
• NYP: Pse Obama nuk e ka mbështetur kandidaturën e Harris për president të SHBA-ve