OBSH jep alarmin për fruthin: 30 mijë të infektuar në Europë, rastet janë 30-fishuar

Organizata Botërore e Shëndetësisë ka dhënë alarmin se Europa po përjeton rritje drastike të rasteve të fruthit.

Të dhënat flasin për më shumë se 30 mijë raste fruthi të raportuara në periudhën janar-tetor 2023 nga 40 shtete përfshirë edhe Shqipërinë.

Ekspertët thonë se kemi një 30-fishim të rasteve me fruth krhasuar me vitin 2022, ku u regjistruan vetëm 941 të infektuar.

Sa i takon vitit 2023, fruthi ka prekur thuajse të gjitha grupmoshat.

Në përgjithësi, 2 nga 5 raste ishin tek fëmijët në moshën 1 deri në 4 vjeç, ndërsa 1 nga 5 raste tek të rriturit mbi 20 vjeç. Nga fillimi i vitit deri në tetor, u raportuan 20,918 raste të hospitalizuara dhe u raportuan 5 vdekje të lidhura me fruthin nga 2 shtete.

Shkak i kësaj situatë, është ulja e mbulesës vaksinale, përgjatë vitit 2019-2022, ku ndikim pati dhe pandemia e coivd 19.

Mbulesa vaksinale në Rajonin europian me dozën e parë ka rënë nga 96% në vitin 2019 në 93% në vitin 2022, ndërsa mbulimi me dozën e dytë ra nga 92% në 91% për të njëjtën periudhë.

Në total, më shumë se 1.8 milion foshnje në Rajon nuk morën vaksinën kundër fruthit në periudhën 2020-2022.

Organziata Botërore e Shëndetësisë apleon për vaksinimin e fëmijëve kundër fruthit në moshën 1 dhe 5 vjec, pasi në këto kushte trendi i infektimeve do të vijoj të rritet.

Fruth konsiderohet një sëmundje infektive shumë ngjitëse dhe e rrezikshme që prek ata që nuk janë vaksinuar.

LEXONI GJITHASHTU:

• Mjeku jep alarmin: Ulet vaksinimi për fruthin në Shqipëri, më pak se 90% e kanë bërë
• Rumania jep alarmin për fruthin, e shpall epidemi