OBSH thirrje shteteve perëndimore për të njohur vaksinat kineze

Organizata Botërore e Shëndetësisë u bën thirrje shteteve perëndimore që të njohin vaksinat kineze anti-COVID.

Sipas saj, në kushtet kur thuajse të gjitha vendet kanë vendosur që të hapin kufijtë, atëherë cilado vaksinë që është autorizuar për përdorim emergjent, duhet të njihet.

Ky veprim mund të sfidojë vendet perëndimore që të pranojnë dy vaksinat kineze, të cilat agjencia shëndetësore e Kombeve të Bashkuara, i ka licensuar, por shumica e vendeve evropiane dhe të Amerikës së Veriut nuk i kanë miratuar.

Këto vende kanë aprovuar vetëm vaksinat Pfizer-BioNTech, Moderna, AstraZeneca dhe Johnson & Johnson.

Ndërsa, OBSH ka dhënë dritën jeshile edhe për dy vaksinat kineze, Sinovac dhe Sinopharm.

Me qëllimin për të rinisur udhëtimet nëpër Europë, Bashkimi Evropian bëri me dije se do të lejonte lëvizjen vetëm të atyre personave që janë vaksinuar me dozat e miratuara nga Agjencia Evropiane e Barnave, megjithëse varet nga secili vend nëse do dëshirojnë të lejojnë edhe udhëtarët që kanë marrë vaksina të tjera, përfshirë Sputnik V.

EMA po shqyrton aktualisht licencimin e vaksinës Sinovac të Kinës, por nuk ka një afat kohor për një vendim.

LEXONI GJITHASHTU:

• OBSH ngre shqetësimin se grumbullimet për Euro 2020 po përhapin më tej COVID-19
• Rreziku nga varianti Delta, shtohen të infektuarit në disa shtete evropiane, rivendosen kufizimet
• Vala e katërt e COVID, ekspertët në Francë paralajmërojnë rrezikun nga varianti Delta