English

OKB: 1000 ditë që kur talebanët ndaluan arsimin e mesëm për vajzat

KOMENTE

SHPERNDAJE
ARTIKULLIN

Text sizeAa Aa

Kanë kaluar një mijë ditë që kur vajzat në Afganistan u ndaluan të ndiqnin arsimin e mesëm, sipas agjencisë së fëmijëve të Organizatës së Kombeve të Bashkuara, e cila tha të enjten se “asnjë vend nuk mund të ecë përpara kur gjysma e popullsisë së tij ka mbetur pas”.

- Advertisement -

Drejtoresha ekzekutive e UNICEF-it, Catherine Russell, përmes një deklarate u kërkoi autoriteteve talebane që të lejojnë të gjithë fëmijët të rifillojnë mësimin menjëherë.

Ajo i bëri thirrje komunitetit ndërkombëtar të mbështesë vajzat afgane, të cilat sipas saj kanë nevojë më shumë se kurrë.

Agjencia vlerëson se më shumë se një milion vajza janë të prekura nga ndalimi i arsimimit.

Talebanët, të cilët morën pushtetin në Afganistan pas tërheqjes së forcave të Shteteve të Bashkuara dhe NATO-s në vitin 2021, kanë thënë se vajzat që vazhdojnë shkollimin e tyre bien ndesh me interpretimin e rreptë të grupit të ligjit islamik.

Pavarësisht se fillimisht premtuan një rregull më të moderuar, talebanët gjithashtu i kanë ndaluar gratë nga arsimi i lartë, hapësirat publike si parqet dhe shumica e vendeve të punës, si pjesë e masave të ashpra të vendosura.

Talebanët ndaluan arsimimin e vajzave edhe kur sunduan Afganistanin në vitet 1990.

 

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?