Olaf Scholz kandidati zyrtar i SPD për kancelar të Gjermanisë

Olaf Scholz është nominuar zyrtarisht nga Partia Social-Demokrate, SPD, si kandidat për kancelar në zgjedhjet e parakohshme që do të mbahen më 23 shkurt. Emërimi i kancelarit në detyrë vjen pas një seri bisedimesh të tensionuara në radhët e vetë partisë së qendrës së majtë mbi atë se cili ishte personi i duhur për këtë detyrë.

Disa pjesëtarë të partisë u mblodhën në mbështetje të ministrit të Mbrojtjes, Boris Pistorius, i cili gëzontë një konsensus më të lartë si zëvendësues i Scholz.

Të enjten, Pistorius tha se nuk ishte i gatshëm të garonte për kancelar, duke i hapur rrugën Scholz për të qenë i zgjedhuri kryesor i partisë.Këtë të hënë, komisioni ekzekutiv i SPD-së emëroi zyrtarisht Scholz, me Pistorius që ishte një nga 33 anëtarët e hershëm të partisë me të drejtë vote.

Sipas një sondazhi të bërë javën e kaluar nga transmetuesi televiziv ZDF, vetëm 37% e të intervistuarve mendonin se Scholz po bënte një punë të mirë si kancelar.

Ndërsa një sondazh tjetër tregonte se 78 për qind mendonin se Partia Social-Demokrate do të arrinte një rezultat më të mirë në zgjedhjet e shkurtit të ardhshëm me Pistorius si kandidat për kancelar.

Vetëm 11 për qind thoshin se partia do të arrinte fitore bindëse edhe nën drejtimin e Scholz.

LEXONI GJITHASHTU:

• Shefja e Parlamentit të BE-së: Gjermania duhet t’ia dërgojë Ukrainës raketat Taurus
• Mijëra emigrantë me azil të refuzuar morën para për t’u larguar nga Gjermania