Oligarku rus humb jetën në rrethana misterioze

Një tjetër oligark rus vdiq në rrethana misterioze dhe mediat raportojnë se ai u rrëzua nga shkallët më 9 dhjetor në qytetin Antibes në rivierën franceze.

50-vjeçari Dmitri Zelenov ishte jashtë për darkë me disa miq kur filloi të ndihej i sëmurë. Pas kësaj, ai dyshohet se ra nga shkallët dhe pësoi lëndime fatale në kokë, sipas gazetës ruse të lajmeve Baza dhe gazetës lokale franceze Var Matin.

Ai u dërgua me urgjencë në spital, por mjekët nuk mundën ta shpëtonin dhe vdekja e tij u konfirmua nga prokurori publik në komunën e afërt të Grasse të nesërmen. Sipas kanalit Telegram të Baza, Zelenov ishte duke iu nënshtruar një operacioni për probleme në zemër disa javë para vdekjes së tij, megjithëse nuk u publikuan informacione të mëtejshme, shkruan KosovaPress.

Zelenov ishte një bashkëthemelues i Don-Stroy, dikur një nga perandoritë më të rëndësishme të Moskës për investime dhe zhvillim të pasurive të paluajtshme, të cilën ai e themeloi në 1994. Ai u shfaq rregullisht në listën e Forbes të rusëve më të pasur deri në vitin 2008, kur Don-Story pësoi humbje të konsiderueshme financiare për shkak të krizës financiare.

LEXONI GJITHASHTU:

• Rusia çon muzikantë në front të luftës
• Godasin me grushte adoleshentët, arrestohen 3 të rinj në Cërrik