Rusia çon muzikantë në front të luftës

Rusia ka thënë se do të angazhojë muzikantë në front të luftës në Ukrainë, për të rritur moralin e ushtarëve të saj.

Ministria ruse e Mbrojtjes ka thënë se është duke punuar në formimin e “brigadës kreative në vijë të frontit”, duke përfshirë vokalistë dhe muzikantë.

Qeveria ruse ka thënë se ministri rus i Mbrojtjes, Sergei Shoigu, ka vizituar ushtrinë në Ukrainë.

Në një deklaratë të publikuar në Telegram, autoritetet kanë thënë se Shoigu “ka shkuar në zonat ku janë të angazhuar trupat dhe ka kontrolluar avancimin e njësiteve në kuadër të operacionit special ushtarak”.

Këto raportime vijnë pasi zyrtarë britanikë të Mbrojtjes kanë thënë se morali i ulët vazhdon të jetë “pikë e ndjeshme në mesin e ushtrisë ruse”, shkruan Radio Evropa e Lirë.

Në krijim e sipër të brigadës kreative, Rusia ka nisur një fushatë, duke iu bërë thirrje banorëve që të japin instrumentet muzikore si donacione.

LEXONI GJITHASHTU:

• Vijon vala e bombardimeve, 5 viktima në 24 orët e fundit në Ukrainë
• Luftë raketash në qiellin e Ukrainës, qytetet mbeten pa energji elektrike dhe ujë