Oligarku rus, Oleg Tinkov ka kritikuar luftën që Rusia po zhvillon në Ukrainë, duke i bërë thirrje Perëndimit të bëjë më shumë për të ndaluar këtë masakër.

Tinkov është sanksionuar nga Mbretëria e Bashkuar më 24 mars, me arsyetimin se mbështet pushtimin e Ukrainës nga Rusia, shkruan CNN.

“Unë nuk shoh një përfitues të vetëm të kësaj lufte të çmendur. Si mund të ishte mirë ushtria kur gjithçka tjetër në vend është e zhytur në nepotizëm, tha Tinkov përmes një postimi në rrjetet sociale.

Manjati rus, i cili themeloi Tinkoff Bank në 2006, tha se “90% e rusëve” kundërshtojnë konfliktin e armatosur me Ukrainën.

“Nëpunësit civilë të Kremlinit janë të tronditur që jo vetëm ata, por edhe fëmijët e tyre nuk do të shkojnë në Mesdhe këtë verë. Biznesmenët po përpiqen të shpëtojnë atë që u ka mbetur nga prona e tyre. Sigurisht që ka idiotë që shkruajnë shkronjën Z, por ka rreth 10% idiotë në të gjitha vendet, 90% e rusëve janë kundër kësaj lufte”, tha ai.

LEXONI GJITHASHTU

• Aleatët në ndihmë të Ukrainës: Të izolojmë Rusinë, nuk mund të fitojë
• Ultimatum ushtarëve ukrainas, shtohen sulmet në lindje të vendit
• Zelenski: Trupat ruse kanë filluar betejën për Donbasin