Operacion antidrogë në Itali, zbulohen lidhje me Shqipërinë, arrestohen 15 persona

Një operacion i përbashkët mes Guardia di Finanza dhe Hetimit të Krimit të Organizuar ka çuar në arrestimin e 15 personave ne Itali.

Të arrestuarit janë të dyshuar si anëtarë të një organizate të armatosur kriminale, e lidhur me klanin ‘Ndrangheta nga zona e Kalabrisë. Dymbëdhjetë prej tyre janë vendosur në paraburgim, ndërsa tre të tjerë në arrest shtëpiak.

Organizata dyshohet se ka financuar  një rrjet të gjerë trafiku ndërkombëtar të kokainës nga Amerika e Jugut drejt Italisë dhe Evropës, me qendër veprimi në rajonet e Lombardisë dhe Kalabrisë.

Në vetëm 12 muaj, grupi kriminal ka trafikuar sasi kokaine me vlerë mbi 18 milionë euro, ndërsa anëtaret e bandës përdornin sisteme komunikimi të koduara dhe kishin kontakte të drejtpërdrejta me sindikata kriminale në Kampanja dhe Shqipëri.