Orban: Integrimi i Ukrainës në BE do të pengonte zhvillimin e Hungarisë

Kryeministri hungarez Viktor Orban tha sot se pranimi eventual i Ukrainës në BE, për të cilin insistojnë Brukseli dhe partia opozitare Tisa, do të kërcënonte zhvillimin e Hungarisë.

“Vendi ynë po përballet me një kërcënim serioz: hyrjen e Ukrainës në BE. Ky rrezik qëndron mbi kokat tona. Një paketë për të përshpejtuar anëtarësimin e Ukrainës në BE u prezantua dje në Bruksel. Nëse kjo do të ndodhte, të gjitha paratë e hungarezëve do të duhej të shpenzoheshin për fqinjin tonë lindor”, tha Orban në hapjen e seksionit të fundit të autostradës M-44.

Ai theksoi se “jo vetëm që nuk do të vinin fondet e BE-së që na takojnë, por edhe paratë nga buxheti hungarez do të përfundonin në Kiev, kështu që asgjë nuk do të ndërtohej për një kohë të gjatë, e lëre më një rrugë” , raporton hungarez Nemzet.

Orban i bëri thirrje popullit hungarez që të shprehë mendimin e tij për hyrjen e Ukrainës në BE në një referendum.

“Në vitet e ardhshme, kjo çështje e anëtarësimit të Ukrainës në Bashkimin Evropian do të jetë çështja më e rëndësishme në politikën hungareze. Qëndrimet janë të qarta: Brukseli dhe partia Tisza janë për anëtarësimin e Ukrainës dhe ne, forcat kombëtare, jemi kundër”, tha Orban.

Sipas tij, Brukseli dëshiron një qeveri pro-ukrainase në Hungari që do të plotësonte kërkesat e Kievit.

“Kjo është ajo që ka të bëjë me Paktin Bruksel-Tisa. Brukseli po ndihmon për të kërcënuar zhvillimin ekonomik të hungarezëve duke mbështetur Partinë Tisa, e cila nga ana e saj mbështet anëtarësimin e Ukrainës dhe ndihmën ekonomike e ushtarake për Ukrainën”, tha ai.

LEXONI GJITHASHTU:

• Orban: Hungaria do të dalë nga GJNP, është bërë një instrument politik
• Netanjahu pritet të viziojë Hungarinë, Orban kundërshton GJNP: Nuk do arrestohet