Orban: Nëse sanksionet kundër Rusisë hiqen, çmimi i gazit do të binte me 50 për qind

Kryeministri hungarez Viktor Orbán tha se sanksionet ndaj Rusisë të vendosura nga Bashkimi Evropian duhet të hiqen, raporton Reuters duke cituar mediat hungareze.

Orban, i cili është kritik i ashpër i masave ndëshkuese të BE-së ndaj Rusisë për sulmin ndaj Ukrainës, e tha këtë në takimin e djeshëm të partisë së tij Fidesz, me dyer të mbyllura, shkruan e përditshmja “Majar Nemzet”.

Gazeta hungareze citoi Orban të ketë thënë, pa përmendur një burim, se sanksionet e BE-së kanë rritur çmimet e gazit dhe inflacionin dhe se nëse këto masa hiqen, çmimet e gazit do të bien menjëherë me 50 për qind, ndërsa inflacioni do të ketë gjithashtu një prirje rënëse.

Pa sanksione, Evropa mund të rifitojë fuqinë e saj dhe mund të shmangë recesionin e ardhshëm, tha Orban, sipas një raporti të gazetës, duke përsëritur qëndrimin e tij të mëparshëm se sanksionet dëmtojnë Evropën më shumë se Rusinë.

LEXONI GJITHASHTU:

• Orban vë në lojë BE-në, Kryeministri hungarez: Të rishikojmë anëtarësinë pas 2030-s
• Gjermania shtetëzon gazin, masa radikale përballë frikës nga tkurrja e rezervave